تدوينة لمحرز الغنوشي تهم حالة الطقس في الاسبوع المقبل تثير الجدل
نشر المهندس بالمعهد الوطني للرصد الجوي محرز الغنوشي، اليوم الثلاثاء 20 جوان 2023، تدوينة فسّر فيها الفرق بين الحرارة المحسوسة والمرصودة.
وقال : “شنوة الفرق بين الحرارة المحسوسة اللي نحسوها
والمرصودةاللي نقدّموها في النشرة الجوية ؟؟
وعلاش ساعات نحسّو الدنيا سخونة اما كيف نشوفو ال thermomètre نلقاوها موش كيف ما قاعدين نحسو ؟؟
الجدول اللي قدامنا فيه الحرارة المحسوسة وفما شكون يسميهl’indice de chaleur والاl’indice humidex والاl’indice bio-météo في بعض المواقع..
الجدول الأول هو نتيجة أبحاث في عدد من الدول ومن خلالو كيف نقاطعوا الحرارة مع ارطوبةنعرفو الحرارة المحسوسة : مثال كيف تبدا الحرارة 38 درجة ومعاها رطوبة 30% نحسوها 43.. ولو كانت الرطوبة أكثر و وصلت 70% فرانا نحسوها 58 درجة…
مثال اخر: الحرارة 32 درجة والرطوبة 61% معناتها الناس تحس في 42 درجة.. .
باهي…شنية حكاية الألواناللي في الجدول ؟؟
الالوان هي مستويات اليقظة…الاخضر طقس عادي…الاصفر يقلق…البرتقالي يقلق برشا ويعطي احساس بالتعب، وصعوبة في التنفس وشدّ عضلي…اما الاحمر فمعناتها خطر كبير بارشا…
على فكرة هذا كلو في الظلّ فقط تأثيرات الرطوبة مع السخانة باش نعرفو الحرارة المحسوسة لاغير…
وكيف ما قاعدين تشوفو في الجدول اخر رقم للحرارة هو 43 خاطرو لدول أوروبا وامريكا الشمالية اما احنا في تونس نذكر انو الأرقام القياسية بين 46 و50 درجة…
الرقم القياسي لتونس هو 50.3 سجلناه نهار 11 اوت 2021 في القيروان.
مستويات اليقظة في هذه الدول المتقدمة كانت نتيجة تعاون بين هياكل الصحة والأرصاد الجوّية.
هذي معلومة اليوم وما تنساوش باش تستحفظوا على رواحكم وعلى العزاز عليكم من سخانة غدوة واللي بعدو…وفي الاخر اللي نعيشو فيه موش استثناء الصيف متسمية عليه السخانة…
ربي يرحمنا برحمته ويعطينا قد جهودنا…”
